Mshambuliaji Mcongomani David Molinga anatarajiwa kuiongoza safu ya ushambuliaji ya Yanga kwenye mchezo wa ligi kuu dhidi ya Mbao Fc leo
Molinga ambaye tayari amepachika mabao mawili kwenye ligi msimu huu, ameshafanya mambo hapo CCM Kirumba akifunga bao kwenye mchezo wa kirafiki dhidi ya Pamba Fc
Ndiye mshambuliaji ambaye yuko kwenye fomu akiwa ameifungia Yanga mabao saba katika mechi zote alizocheza mpaka sasa
Aidha, Yanga inaingia kwenye mchezo huo ikiwa imepata ahueni baada ya nyota wake wengi waliokuwa majeruhi kupona
Kocha Mwinyi Zahera atakuwa na wigo mpana wa kuchagua mchezaji gani amtumie
Makipa wote Farouk Shikalo, Metacha Mnata na Ramadhani Kabwili wako timamu kabisa
Upande wa safu ya ulinzi Paulo Godfrey 'Boxer' ndiye ambaye hawezi kucheza leo daktari wa Yanga akitoa ufafanuzi jana kuwa beki huyo bado hayuko fit na atajumuishwa kikosini kuelekea mchezo dhidi ya Pyramids Fc
Safu ya kiungo na ushambuliaji imekamilika
Hali ya hewa ya Mwanza ni kibaridi na mvua kiasi, uwanja wa CCM Kirumba ukiwa tayari kwa mchezo huo
