Moja ya changamoto zilizoikabili Yanga siku za karibuni ni idadi kubwa ya majeruhi ambayo imepelekea kwa baadhi ya nyota wake kuwa nje kwa muda mrefu
Kocha Mkuu wa Yanga Mwinyi Zahera ameeleza kutoridhishwa na huduma walizokuwa wanapewa wachezaji na kitengo cha Utatibu ambacho awali kilikuwa chini ya Dk Edward Bavu
Zahera amesema kwa kiasi kikubwa matunzo duni ya wachezaji wanaoumia yamechangia kutopona kwa haraka na kukaa nje kwa muda mrefu
"Subiri nikwambie kitu, kwanza hamuoni wachezaji wangu wakiumia wanakaa nje muda mrefu? Tatizo wachezaji hawatunzwi," Zahera aliliambia gazeti la Championi
"Mchezaji anaumia nyama za paja lakini matibabu yanachelewa hayaendi kwa wakati kabisa hasa upande wa vipimo"
"Kiukweli hadi leo Paulo Godfrey hajafanyiwa vipimo vya maana, nilimuuliza yule daktari wa mbele (Edward Bavu) kwa nini huyu mtoto haponi na anakaa muda mrefu, shida ni kwamba wachezaji wanatunzwa vibaya"
"Mimi sijui ila nasikiaga kunakuwa na bima na kama wachezaji wapo nayo inasaidiaje, sijui kama wapo nazo maana wachezaji wengi wanalalamika kwa sababu ya kuumia wanakaa muda mrefu kutokana na mambo aliyokuwa anafanya daktari hayakuwa sawa"
Uongozi wa Yanga umefanya mabadiliko kwa kumuajili Daktari mpya Dk Sheki Mgazija kuchukua nafasi ya Dk Edward Bavu
Zahera ameeleza kufurahishwa na utendaji kazi wa Dk Mgazija
"Binafsi ninavyoona kwa daktari huyu mpya katika safari ya Mwanza jinsi anavyofanya kazi yake ni tofauti na yule wa kwanza maana huyu wa sasa amekuwa akiwafuatilia vizuri wachezaji"
