Makamu Mwenyekiti wa Yanga Fredrick Mwakalebela amesema wamekusudia kukiimarisha kikosi wakati wa usajili wa dirisha dogo wakiwa na lengo la kujenga kikosi kitakachoweza kutwaa ubingwa wa ligi kuu msimu huu
Akizungumza muda mfupi baada ya kuwasili kutoka Misri leo, Mwakalebela amesema wamejifunza mambo mengi kutokana na ushiriki wa timu kwenye michuano ya ligi ya mabingwa na kombe la Shirikisho
"Tumetolewa kwenye mashindano lakini ushiriki wetu umetupa fursa ya kujifunza na tunawahakikishia Wanayanga kuwa tutarejea tukiwa imara," amesema
"Tunarejea kwenye ligi tukiwa na malengo ya kutwaa ubingwa ili tupate nafasi ya kushiriki tena msimu ujao"
"Dirisha dogo tutaboresha kikosi chetu ili tuwe na timu imara ambayo itawapa furaha mashabiki wetu"
Aidha kuhusu hatma ya kocha Mwinyi Zahera, Mwakalebela amesema wanasubiri ripoti za benchi la ufundi na Kamati ya ufundi ili kufanyia kazi mapendekezo yatakayotolewa
"Kwa sasa siwezi kuzungumza lolote, tunasubiri ripoti ya benchi la ufundi pamoja na Kamati yetu ya ufundi ambao watatoa mapendekezo ya kipi kifanyike katika kuimarisha timu"
