Wakati uongozi wa Yanga ukiwa umetangaza kulivunja benchi lake la ufundi, aliyekuwa kocha Mkuu wa timu hiyo Mwinyi Zahera amesema hana rasmi taarifa ya uamuzi huo
Zahera amesema alipaswa kuandikiwa barua rasmi juu ya uamuzi huo uliochukuliwa
"Kwa utaratibu wa kazi, kama mwajiri anataka kuvunja mkataba wako inapaswa akuandikie barua kuhusu kusudio lake, kwa leo mimi sijapata barua," amesema Zahera
"Hata kama mmezungumza, lakini utaratibu ni lazima uandikiwe barua"
Akitangaza uamuzi wa kulivunja benchi la ufundi mapema leo, Mwenyekiti wa Yanga Dk Mshindo Msolla alisema wamezungumza na Zahera pamoja na Noel Mwandila juu ya uamuzi huo uliofikiwa
Leo baada ya mazoezi ya asubuhi, Zahera aliitwa Makao Makuu ya klabu ya Yanga ambako alitaarifiwa rasmi kuhusu uamuzi uliofikiwa na Kamati ya Utendaji
