Mkataba wa Zahera kuigharimu Yanga Mil 120

Klabu ya Yanga itapaswa kumlipa aliyekuwa kocha wake Mkuu Mwinyi Zahera Tsh Milioni 120 baada ya kuvunja mkataba wake, imefahamika

Mpaka jana jioni, Zahera alisema kuwa hakuwa amepokea  barua rasmi ya taarifa ya kuvunjwa kwa mkataba huo

Wengine wanaosubiri kulipwa Mamilioni pamoja na kocha Mwinyi Zahera ni aliyekuwa daktari wa timu Dk Edward Bavu, kocha msaidizi Noel Mwandila, mchua misuli Jackob Onyango, Meneja na Mratibu Hafidh Saleh na Mtunza vifaa Mahmoud Omar

Jana uongozi wa Yanga ulitangaza kulivunja benchi lote la ufundi huku wakimteua kocha na Katibu Mkuu wa zamani wa klabu hiyo Charles Mkwasa kuwa Kaimu kocha Mkuu

Mkwasa atasaidiwa na Said Maulid (SMG) wakati Dismas Ten akiteuliwa kuwa Meneja na Mratibu wa timu