Hili la Zahera lipite, tuangalie mbele

Uongozi wa Yanga umeshachukua uamuzi wa kumuondoa kocha Mwinyi Zahera na benchi lake la ufundi

Mambo yote yanayohusiana na uamuzi huo ikiwemo Zahera na wenzake kulipwa stahiki zao, yatasimamiwa na uongozi

Muhimu kwa Wapenzi, Wanachama na Mashabiki wa klabu ya Yanga ni kusahau hili na sasa kuangalia mbele

Yanga inakabiliwa na mechi ngumu za ligi kuu, mechi ambazo ushindi ni lazima ili kuweka hai matumaini ya kutwaa ubingwa

Mgogoro hauna nafasi kwa Yanga wakati huu, jambo hili litavuruga mipango hiyo na kuwapa nafasi wapinzani

Uamuzi wa kuvunja benchi zima la ufundi haukuwa uamuzi rahisi, lakini bila shaka viongozi wa Yanga waliuchukua kwa manufaa ya timu

Timu inahitaji sapoti ya kila Mwanayanga ili kuhakikisha inafanya vizuri