Akiwa katika majukumu ya timu ya Taifa, beki Kelvin Yondani jana alionyesha kuwa anamudu majukumu ya ulinzi wa kulia bila ya wasiwasi
Katika mchezo huo dhidi ya Guinea ya Ikweta ambao Stars iliibuka na ushindi wa mabao 2-1, katika kipindi cha pili kocha Etienne Ndayiragije alimpeleka Yondani kucheza namba mbili huku akimpumzisha Hassani Kessy na kumuingiza mshambuliaji Ditram Nchimbi akiwaacha Erasto Nyoni na Bakari Mwamnyeto wakicheza safu ya ulinzi wa kati
Yondani alikuwa hodari katika ulinzi lakini pia akionyesha umahiri kwenye kupandisha mashambulizi
Pamoja na umri wake kusogea, Yondani bado anaonekana kuwa na kasi, nguvu na uwezo wa kukabiliana na changamoto yoyoye awapo uwanjani
Nadhani wachezaji wanaochipukia wana cha kujifunza kutoka kwa mkongwe huyu ambaye amekuwa katika kiwango bora katika kipindi cha miaka nane au zaidi iliyopita
