Yanga kunoa silaha dhidi ya Coastal Union

Kikosi cha Yanga leo Jumapili Novemba 17 saa kumi jioni kitashuka uwanja wa Taifa kuikabili Coastal Union katika mchezo wa kirafiki

Huo utakuwa mchezo wa pili baina ya timu hizo msimu huu ambapo zilikutana kwenye ligi na Yanga kuibuka na ushindi wa bao 1-0

Yanga iliyocheza na Coastal Union kwenye ligi ilikuwa ikinolewa na kocha aliyetimuliwa, Mwinyi Zahera

Yanga ya wakati huu ni tofauti, sasa inanolewa na Charles Mkwasa ambaye ni Kaimu kocha Mkuu

Ni mchezo ambao utamsaidia Mkwasa kuangalia mapungufu ya kikosi chake katika jitihada za kujenga Yanga mpya

Viingilio vya mchezo huo VIP ni Tsh 5,000/- na Mzunguuko ni Tsh 3,000/-