Mchezo wa kirafiki kati ya Yanga dhidi ya Coastal Union uliopigwa uwanja wa Taifa, umemalizika kwa Yanga kuibuka na ushindi wa mabao 2-1
Vijana wa Charles Mkwasa walilazimika kutokea nyuma na kupata ushindi huo kufuatia bao la kujifunga Ally Mtoni kwenye kipindi cha kwanza
Krosi iliyopigwa kutoka upande wa kulia na winga wa Coastal Union uliokolewa na Shikalo lakini bahati mbaya ukamgonga Sonso na kutumbukia kambani
Kipindi cha pili Yanga ilirejea ikiwa bora zaidi wakitengeneza nafasi nyingi lakini changamoto ikawa katika umaliziaji
Katika dakika ya 68 Yanga ilipata mkwaju wa penati baada ya mlinzi wa Coastal Union kuunawa mpira ndani ya eneo la hatari
Hata hivyo mshambuliaji David Molinga alikosa mkwaju huo
Alikuwa ni Mrisho Ngasa aliyeirejesha Yanga mchezoni baada ya kufunga bao safi katika dakika ya 70 akiachia mkwaju nje ya 18 ambao ulienda moja kwa moja kambani
Yanga iliendelea kutawala mchezo huo na kufanya mashambulizi makali zaidi kwenye dakika za majeruhi
Ni katika muda huo iliweza kufunga mabao mengine mawili kupitia kwa Papy Tshishimbi na Juma Balinya aliyefunga kupitia mkwaju wa penati
Kikosi cha Yanga chini ya Charles Mkwasa kimeendelea kuonyesha mabadiliko makubwa
Timu imeendelea kuimarika, licha ya changamoto kadhaa hasa upande wa ushambuliaji
