Dabi ya kinadada Yanga Princess vs Simba Queens kesho

Mchezo wa kwanza wa wanawake unaowahusishwa watani wa jadi kati ya Yanga Princess dhidi ya Simba Queens utapigwa kesho Jumamosi, Disemba 14 kwenye uwanja wa Karume jijini Dar es salaam

Baada ya kupoteza michezo yote miwili dhidi ya Simba Queens msimu uliopita, wakinadada wa Yanga Princess wamesema kesho patachimbika uwanja wa Karume

Msimu huu Yanga Princess ni miongoni mwa timu zenye vikosi bora ligi kuu ya Wanawake, Serengeti Lite

Tayari wameshinda michezo yote mitatu waliyocheza wakishika nafasi ya pili nyuma ya Alliance Girls

Uongozi wa Yanga umewataka mashabiki kujitokeza kwa wingi kuiunga mkono timu yao ya Yanga Princess ambayo imepania 'kusepa' na ubingwa msimu huu