Kama TFF inamnyima leseni mshambuliaji Ditram Nchimbi kutokana na malalamiko ya Polisi Tanzania, swali ya kujiuliza ni kuwa klabu ya Polisi Tanzania ina haki gani kwa mchezaji huyo?
Azam Fc imeweka wazi kuwa ilimpeleka kwa mkopo Nchimbi kuitumikia klabu ya Polisi Tanzania na si vinginevyo
Ni makubaliano gani ambayo Polisi Tanzania wanaweza kuingia na mchezaji ambaye anamilikiwa na klabu nyingine?
Kwani kama kuna makubaliano ya kiofisi ni wazi timu hiyo itakuwa imevunja kanuni na taratibu kwa mujibu wa sheria za usajili za FIFA
Kwani watakuwa walifanya mazungumzo na mchezaji ambaye ana mkataba na timu nyingine
Kama walimpa pesa Nchimbi kwa makubaliano ya mdomo, je TFF wana ushahidi gani?
Maana kwa mujibu wa taratibu Polisi Tanzania wanapaswa kuonyesha makubaliano ya 'maandishi' walioingia na mchezaji kuwa anapaswa kuwatumikia msimu mzima ndipo TFF wawe na sababu ya kumzuia asiitumikie Yanga
Na kama makubaliano hayo ya kimaandishi yapo, Polisi Tanzania wanapaswa kuadhibiwa kwani walifanya mazungumzo na mchezaji wa Azam Fc bila kuishirikisha timu yake tena huku akiwa na mkataba wa zaidi ya miezi sita
Kwani Azam Fc wamesema hawakuwa na makubaliano yoyote na Polisi Tanzania zaidi ya makubaliano ya mkopo
Ni wazi hakuna sababu ya TFF kumzuia Nchimbi kuichezea Yanga kutokana na mazingira hayo
Yanga wamemsajili Nchimbi kwa kufuata taratibu zote, inavyoonekana kuna jitihada za kumkwamisha asicheze mchezo dhidi ya Simba Jumamosi
