Mwakalebela afunguka mchakato wa kocha msaidizi Yanga

Leo Ijumaa ilikuwa siku ambayo uongozi wa Yanga uliahidi kumtambulisha Kocha Msaidizi atakayeshirikiana na Kocha Mkuu Luc Eymael

Hata hivyo Makamu Mwenyekiti wa Yanga Fredrick Mwakalebela amesema tukio hilo halitafanyika kama walivyopanga kutokana na kutokamilika kwa baadhi ya michakato

Inaelezwa Yanga tayari imemalizana na kocha wa Kagera Sugar Meckie Mexime na ndiye aliyetarajiwa kutangazwa leo

Hata hivyo mabingwa hao wa kihistoria bado  hawajamalizana  na Kagera Sugar ambayo Mexime ana mkataba wa miezi sita

Mwakalebela amesema watamtambulisha mara tu pale mazungumzo kati yao na Kagera Sugar yatakapokamilika