Kocha Mkuu wa Yanga Luc Eymael ndiye aliyezuia kuachwa kwa mshambuliaji David Molinga ambaye alikuwa miongoni mwa wachezaji waliokuwa wametemwa dirisha dogo, imefahamika
Inaelezwa baada ya kumfuatilia kupitia video mbalimbali, Eymael aliagiza Molinga arejeshwe kikosini huku akiahidi kuimarisha nidhamu yake
Molinga aliwakera mabosi wa Yanga kwenye mchezo dhidi ya Biashara United pale alipoondoka moja kwa moja uwanjani baada ya kufanyiwa mabadiliko
Tukio hilo lilitafsiriwa kama dharau kwa aliyekuwa kaimu kocha mkuu Charles Mkwasa pamoja na uongozi wa Yanga kwa ujumla
Baada ya kurejeshwa Molinga amefanya mazoezi na kikosi cha Yanga kwa siku mbili na anaweza kuwa sehemu ya kikosi kitakachoikabili Azam Fc siku ya Jumamosi katika mchezo wa ligi kuu utakaopigwa uwanja wa Taifa
