Msimu ujao Tanzania itatoa uwakilishi wa timu mbili kwenye michuano ya Shirikisho la Soka Barani Afrika (CAF) baada ya kupokwa uwakilishi wa nafasi nne na Libya
Baada ya Al Nasri ya Libya kutinga robo fainali ya michuano ya kombe la Shirikisho, Libya imefikisha alama 16.5 na hivyo kuchupa mpaka nafasi ya 12 ambayo ilikuwa ikishikiliwa na Tanzania yenye alama 14
CAF inatoa uwakilishi wa timu nne kwa nchi 12 ambazo zinakuwa na alama nyingi zinazohesabiwa kwa kuangalia mafanikio ya vilabu vya nchi husika kwenye michuano ya ligi ya mabingwa na kombe la Shirikisho katika kipindi cha miaka mitano
Msimu huu Tanzania iliwakilishwa na timu nne lakini hakuna timu ambayo ilifanikiwa kupenya hatua ya makundi
Ikumbukwe alama hizo zinaanza kuhesabiwa kuanzia hatua ya makundi
Hivyo msimu ujao Tanzania itatoa Mwakilishi mmoja kwenye michuano ya ligi ya mabingwa na mwakilishi mmoja kwenye michuano ya kombe la Shirikisho
