Kocha Mkuu wa Yanga Luc Eymael alianza majukumu yake vibaya kwenye kikosi cha Yanga akipoteza michezo yake yote miwili ya kwanza
Hali hiyo ilipelekea kuibuka kwa sintofahamu kwenye benchi la ufundi ambapo kwa nyakati tofauti ilielezwa Eymael alipendekeza aletewe kocha mwingine msaidizi badala ya Charles Mkwasa aliyekuwa pendekezo la uongozi wa Yanga
Hata hivyo sasa inaelezwa Eymael ameridhia kufanya kazi na Mkwasa baada ya kujiridhisha kuwa anahitaji uzoefu wa nguli huyo wa klabu ya Yanga
Kabla ya uamuzi huo, uongozi wa Yanga ulikuwa mbioni kumalizana na mkufunzi wa Kagera Sugar Meckie Mexime
Chini ya Eymael na Mkwasa, Yanga sasa imeshinda michezo mitatu mfululizo tangu walipopoteza michezo miwili ya kwanza
Jambo jema zaidi, kiwango cha mabingwa hao wa kihistoria kimeendelea kuimarika siku hadi siku jambo linalowapa furaha mashabiki
Mkwasa alikabidhiwa majukumu ya kuinoa Yanga kwa muda baada ya uongozi wa timu hiyo kuachana na aliyekuwa kocha mkuu, Mwinyi Zahera mwezi Novemba 2019
Yanga haikupoteza mchezo wowote katika kipindi chote ambacho ilikuwa chini ya Mkwasa
