Mashabiki waliojitokeza kwa wingi uwanja wa Taifa kushuhudia mtanange wa ligi kuu kati ya Yanga dhidi ya Alliance, wamepata burudani ya kutosha kutoka kwa mabingwa wa kihistoria Yanga ambao walitakata kwelikweli katika mchezo huo ambao Yanga imepata ushindi wa mabao 2-0
Mabao yote ya Yanga yaliwekwa kambani na Ditram Nchimbi ambaye aliingia kipindi cha pili kuchukua nafasi ya Tariq Seif
Nchimbi sasa amefikisha mabao sita, akifungua ukurasa wa kuzifumania nyavu ndani ya uzi wa Yanga
Vijana wa Luc Eymael walikuwa bora sana katika mchezo huo ambao waliwavuruga kwelikweli Alliance waliokuwa wakiusaka mpira kwa tochi muda mwingi wa mchezo
Kwa mara nyingine waamuzi walimnyima Bernard Morrison mikwaju miwili ya penati baada ya kufanyiwa madhambi dhahiri ndani ya eneo la hatari
Huo ni ushindi wa pili mfululizo kwa Yanga baada ya kupata sare nne mfululizo
Yanga pia haijaruhusu bao lolote katika michezo hiyo miwili
Jumanne Yanga itarejea uwanja wa Taifa kuumana na Mbao Fc
