FT : Namungo Fc 1-1 Yanga

Mchezo wa ligi kuu ya Vodacom kati ya Namungo Fc dhidi ya Yanga uliopigwa uwanja wa Majaliwa Ruangwa, umemalizika kwa sare ya bao 1-1

Yanga walitangulia kufunga bao la kuongoza mapema tu kwenye dakika ya tano kupitia kwa Tariq Seif Kiakala aliyeunganisha vyema krosi ya Juma Abdul

Namungo wakarejea mchezoni kwenye dakika ya 62, Birigimana Blaise akiwafungia bao la kusawazisha

Ni bao ambalo liliwarudisha Namungo mchezo lakini lililalamikiwa na nyota wa Yanga kwani mfungaji alionekana kuwa eneo la kuontea kabla ya mpira kupigwa

Huo ni mchezo wa tisa Yanga inalazimishwa matokeo ya sare msimu huu

Mabingwa hao wa kihistoria wamefikisha alama 51 baada ya kushuka dimbani mara 27. Wanaendelea kubaki nafasi ya tatu nyuma ya Azam Fc na Simba