Rais wa Shirikisho la Mpira wa Miguu Tanzania (TFF) Wallace Karia ametoa tahadhari kuwa kwa timu zenye wachezaji na wafanyakazi kutoka nje ya nchi, wahakikishe wanabaki nchini
Karia amesema mchezaji yeyote ambaye atasafiri nje ya nchi hataruhusiwa kurudi baada ya muda wa siku 30 uliotolewa na Serikali
"Ni kinyume na agizo la Serikali wachezaji au wafanyakazi kutoka nje ya nchi kurudi makwao wakati huu ambao ligi zimesimama"
"Nimepata taarifa kuwa baadhi ya vilabu vinapanga kuwaruhusu wachezaji na wafanyakazi wao wa kigeni kurudi makwao"
"Niwatahadharishe tu kuwa wachezaji hao hawataruhusiwa kurejea hata pale mda uliotolewa ukiwa umepita"
"Inawezekana kukawa na unafuu baada ya muda huo lakini hawataruhusiwa kurejea kwa kuwa hatujui hali ilivyo huko kwao. Lakini pia nasi kama Shirikisho hatuwaruhusu kushiriki michezo yetu"
Serikali ilisimamisha shughuli zote za michezo ambazo zinahusisha mikusanyiko kwa muda wa siku 30 pamoja na kufunga shule na vyuo vyote katika jitihada za kudhibiti maambukizi ya virusi vya Corona ambavyo vinasambaa kwa kasi kote duniani
