Kumekuwa na tetesi za kila mara zinazomuhusisha kiungo wa Simba Said Khamis Ndemla kujiunga na klabu ya Yanga
Ni kila dirisha la usajili linapokaribia, ni lazima jina la Ndemla litajwe kutakiwa Jangwani
Kiungo huyo mwenye mashuti makali, anamaliza mkataba wake na Simba mwishoni mwa msimu lakini kama ilivyo ada, ameanza kuhusishwa na Yanga
Niyonzima ampa ushauri wa bure
Haruna Niyonzima ambaye amerejea Yanga baad ya kuitumikia Simba kwa misimu miwili, ameeleza kumkubali Ndemla kuwa ni mchezaji mwenye kipaji
Hata hivyo amemshauri kuwa kuendelea kubaki Simba bila ya kupata nafasi ya kucheza kutaharibu kipaji chake
"Ndemla ni mchezaji mzuri, unajua Tanzania imejaaliwa wachezaji wenye vipaji vya mpira lakini huwezi kuwa mchezaji mzuri kama haupati nafasi ya kucheza kwenye timu yako lazima kiwango chako kitaporomoka.
"Namshauri atafute changamoto mpya nje ya Simba ili aimarishe kiwango chake kuliko kuendelea kung'ang'ania kwenye timu ambayo hana nafasi ya kucheza," amesema Noyonzima
Hata hivyo ikitokea Yanga imemsajili Ndemla bado atakabiliwa na changamoto ya kupata nafasi mbele ya nahodha Papy Tshishimbi na Feisal Salum
Lakini mambo yanaweza kubadilika hasa ikitokea kama Tshishimbi ataamua kuondoka
Mara nyingi wachezaji wanaotoka Simba kujiunga na Yanga hufanya vizuri lakini mambo huwa tofauti kwa wale wanaotoka Yanga kwenda Simba
Mfano mzuri ni Ibrahim Ajib na Gadiel Michael waliojiunga na Simba mwanzoni mwa msimu walitokea Yanga
Ajib alisajiliwa na Yanga akitokea Simba ambako huko alikuwa akionekana mchezaji wa kawaida
Lakini misimu yake miwili aliyocheza Yanga ilimfanya awe mchezaji mkubwa hadi kutakiwa na klabu ya TP Mazembe
Pengine atakuwa anajutia uamuzi wake wa kurejea Simba kwani huko amekuwa tena mchezaji wa kawaida
