Yanga washindwe wenyewe kwa Marcel Kaheza baada ya klabu ya Polisi Tanzania, kusema kuwa hawatakuwa na tatizo naye iwapo Wanajangwani hao watakubaliana na winga huyo ili kutua Jangwani.
Kocha Mkuu wa Yanga, Luc Eymael, aliwahi kusema kwamba wanapocheza na Polisi Tanzania, huwa anamuhofia mno Kaheza kutokana na umahiri wake uwanjani.
Baada ya Ligi Kuu Tanzania Bara kusimamishwa kutokana na hofu ya kuenea kwa maambukizi ya virus vya Corona, Yanga walidaiwa kuwa katika mkakati wa kumuwania wingi huyo wa zamani wa Simba ili kukiimarisha zaidi kikosi chao.
Kocha wa Polisi Tanzania, Hamsini Malale, amesema kuwa hatakuwa na shida iwapo Yanga itamtaka Kaheza kwani ana uwezo wa kutengeneza wachezaji wengine na kuwafanya kuwa bora zaidi na hivyo kukisaidia kikosi chake.
"Wanaohusishwa na timu kubwa katika kikiosi changu ni wengi, unajua hizi timu kubwa zikitaka wachezaji, haziwezi kuwakosa, iwapo wataondoka, sitakuwa na shida nao, siwezi kuwazuia, nitawaruhusu tu na kutengeneza wengine," amesema.
Mbali ya Kaheza, mchezaji mwingine wa Polisi Tanzania anayetolewa macho ni na klabu za kadhaa za Ligi Kuu Bara ni Sixtus Sabilo aliyefanya vizuri msimu huu, akitajwa kuwaniwa na Simba.
Tayari Yanga ilishang’oa mchezaji Polisi Tanzania kipindi cha dirisha dogo ambaye ni mshambuliaji Ditram Nchimbi ambaye ameshajitengenezea jina Jangwani
Yanga pia inahusishwa kumuwania beki wa kushoto wa timu hiyo Yasin Mustafa
