Mwezi May mwaka huu uongozi wa klabu ya Yanga ulitarajiwa kuitisha Mkutano Mkuu wa Wanachama kwa ajili ya kupitisha marekebisho ya baadhi ya vipengele vya Katiba kabla ya timu hiyo kuingia kwenye mfumo mpya wa uendeshaji
Hata hivyo kutokana changamoto ya ugonjwa wa corona, ni wazi Mkutano huo hautakuwepo mpaka pale janga hili litakapokuwa limepatiwa ufumbuzi
Makamu Mwenyekiti wa Yanga Fredric Mwakalebela amekiri kuwa changamoto ya ugonjwa huu inawachelewesha kukamilisha baadhi ya michakato yao lakini wanaendelea na taratibu nyingine ambazo hazihitaji mikusanyiko
Amesema kwa kushirikiana na wadhamini wao GSM, wamedhamiria kukamilisha kila kitu mapema ili kuanzia msimu ujao Yanga ianze kuendeshwa kisasa
GSM imetenga zaidi ya Milioni 900 kwa ajili ya kukamilisha mchakato wa mabadiliko Yanga
