Mshambuliaji wa Yanga Tariq Seif Kiakala ameeleza kupokea kwa furaha kauli ya Rais wa Jamhuri ya Muungano wa Tanzania Dk John Magufuli ambaye jana alisema anaweza kuruhusu ligi ikaendelea baada ya kushauriana na wataalamu wa Afya
Tariq aliyetua Yanga mwezi Januari na mpaka sasa akiwa amewafungia mabingwa hao wa kihistoria mabao matatu, amesema tangu ligi iliposimama March 17 wamekaa kwa takribani siku 47 bila ya kucheza
"Kwangu naona utakuwa uamuzi mzuri tu kama Rais Magufuli ataruhusu Ligi Kuu kuendelea ili tumalize tuangalie mambo mengine. Maana tangu kuzuiwa kwa michezo nchini Marchi 17, 2020 mpaka leo ni takribani siku 47, " amesema
Aidha Tariq amesema itakuwa vyema ligi hiyo ikichezwa bila ya mashabiki na muhimu zaidi wachezaji kupimwa kila mara kabla ya mchezo
Jana kwenye hafla ya kumwapisha Waziri wa Katiba na Sheria, Rais Magufuli alisema haoni sababu ya kuendelea kusitisha shughuli za michezo kwa kuwa ugonjwa wa corona hauna athari kubwa kwa watu wanaofanya mazoezi
