Nahodha Msaidizi wa Yanga Juma Abdul ametoa maoni yake kuhusu aina ya usajili ambao mabosi wake wanapaswa kufanya ili wawe na kikosi bora msimu ujao
Abdul akiwa mmoja wa wachezaji waandamizi Yanga, amesema safu ya ushambuliaji inapaswa kupewa kipaumbele cha kwanza kwa kusajiliwa nyota wenye uwezo mkubwa wa kuzifumania nyavu
Kinara huyo wa pasi za mabao katika kikosi cha Yanga, amesema kikosi chao chini ya kocha Luc Eymael kinacheza vizuri, wanatengeneza nafasi nyingi lakini changamoto kubwa iliyowakabili ni kushindwa kutumia nafasi hizo kufunga mabao
Abdul pia amedokeza umuhimu wa kuwa na winga ambaye atawatengenezea nafasi washambuliaji bila ya kusahau nafasi ya mlinzi wa kushoto kwa kuwa wanamtegemea zaidi Jaffar Mohammed
Licha ya kumsajili Adeyum Saleh dirisha dogo, nyota huyo anakabiliwa na majeraha ya mara kwa mara lakini pia ameshindwa kufikia matarajio
Kocha Mkuu wa Yanga Luc Eymael amedokeza kuwa wanatarajia kusajili wachezaji saba wapya
Safu ya ushambuliaji inatarajiwa kuwa na maingizo mpya huku jina la mshambuliaji wa zamani wa timu hiyo Heritier Makambo likiwa miongoni mwa majina yanayotajwa kuwa mbioni kurejea Jangwani
