Yanga kuweka hadharani ripoti ya ujenzi wa uwanja

Uongozi wa klabu ya Yanga unatarajiwa kuweka hadharani ripoti ya kwanza ya mchakato wa ujenzi wa uwanja wake ulioko Kigamboni jijini Dar es salaam

Yanga iliunda Kamati ya Ujenzi na Miundombinu ambayo ilipewa jukumu la kusimamia mchakato huo anaosubiriwa kwa hamu na mashabiki wa timu hiyo

Kulingana na taarifa iliyotolewa na Yanga, Kamati hiyo itatoa ripoti yake ya kwanza kubainisha mahali ulipofika mchakato huo

Inaelezwa Yanga itajenga viwanja viwili (nyasi asili na bandia) katika eneo lake lenye ukubwa wa ekari saba ambalo walipewa na Mkuu wa mkoa wa Dar es salaam Mh Paul Makonda

Mchakato huo ukikamilika, utaifanya Yanga kuwa klabu yenye uwanja mkubwa zaidi hapa Tanzania ambao utatumika kwenye mechi zote za klabu hiyo