Inaelezwa klabu ya Yanga iko mbioni kumalizana na kiungo fundi wa Tanzania Prisons Cleofas Mkandala
Nyota huyo ambaye tetesi zilimuhusisha kuwaniwa na Azam Fc, mambo yakiwa sawa huenda msimu ujao akavaa uzi wa njano na kijani
Mtu wa karibu wa kiungo huyo amedokeza uwepo wa mazungumzo kati yake na Yanga huku akibainisha usajili wake huenda ukakamilishwa punde tu dirisha la usajili litakapofunguliwa
Yanga ilijaribu kumsajili Mkandala usajili wa dirisha dogo akiwa miongoni mwa wachezaji waliokuwa wamependekezwa na kocha Charles Mkwasa wakati ule
Mkandala ameng'ara kwenye kikosi cha Prisons msimu huu, akiwa mmoja wa wachezaji waliokuwa wameitwa na kocha Etienne Ndayiragije kuunda kikosi cha timu ya Taifa kwa ajili ya michuano ya CHAN inayohusisha wachezaji wa ndani
Hata hivyo michuano hiyo imepigwa kalenda mpaka mwakani kutokana na janga la corona
Ukizungumzia wachezaji mafundi kwenye ligi kuu ya Vodacom, huwezi kukosa kutaja jina la Mkandala
Kiungo huyu mwenye umri wa miaka 21, anamudu vyema kucheza namba nane pamoja na nafasi zote za pembeni
