Daktari wa klabu ya Yanga Dk Sheky Mngazija amesema kiungo mshambuliaji wa timu hiyo Juma Mahadhi amepona majeraha yaliyomuweka kwa zaidi ya miezi 20 na yuko tayari kurejea uwanjani
Mngazija amesema kwa sasa nyota huyo hana tatizo lolote, atajumuika kwenye mazoezi na wachezaji wengine tayari kwa mechi za lala salama kumaliza msimu
Aidha Mngazija amesema wachezaji wengine wote wako tayari kuendelea na majukumu yao isipokuwa mlinda lango Ramadhani Kabwili ambaye hivi karibuni alipata ajali ya pikipiki
"Kabwili alipata ajali, akashonwa nyuzi nane, yeye bado anaendelea na matibabu lakini wachezaji wengine wote wako tayari kurejea uwanjani," amesema
Yanga inatarajiwa kuanza maandalizi ya pamoja baada ya Serikali kuruhusu timu zianze kufanya mazoezi kabla ya msimu kurejea Juni 01 kwa ajili ya kumalizia mechi zilizobaki
