Afisa Mhamasishaji wa Yanga Antonio Nugaz amesema mwaka huu wamepanga kuliboresha zaidi tukio la ufunguzi wa msimu mpya
Yanga ilianzisha wiki ya Mwananchi msimu uliopita, tukio hilo likiwa la kwanza kwa klabu hiyo na kwa hakika lilifanikiwa
Nugaz amesema mwaka huu wamepanga kufanya shamrashamra hizo mwezi mzima
"Tuombe mungu hii changamoto ya corona itulie kabisa..lakini mwaka huu tumepanga kufanya mambo makubwa zaidi. Kwanza haitakuwa wiki ya Mwananchi, tutakuwa na Mwezi wa Mwananchi, shamra shamra mwezi mzima..." alitamba Nugaz
Aidha Nugaz amesema historia nyingine kubwa itaenda kuandikwa siku ya kilele cha tukio hilo kwani mabingwa hao wa kihistoria wanaweza kumshusha nchini mmoja wa vigogo wa soka kutoka kule Hispania
Hivi itakuwaje kama Fc Barcelona, Real Madrid au Atletico Madrid inashuka hapa nchini kucheza na Yanga?
