Tshishimbi kuwakosa Azam Fc

Nahodha wa Yanga Papy Tshishimbi atakosekana kwenye mchezo wa ligi kuu dhidi ya Azam Fc kwa kuwa bado hajapona vizuri majeraha yanayomsumbua

Tshishimbi alifanyiwa vipimo na madaktari wa Yanga kubaini maendeleo yake ambapo sasa huenda akalazimika kusubiri wiki moja zaidi kabla ya kurejea uwanjani

Tayari ameanza mazoezi mepesi ambayo yatamsaidia kuimarika haraka

Yanga imejichimbia kambini kujiandaa na mchezo dhidi ya Azam ambao utapigwa kesho Jumapili katika uwanja wa Taifa

Mabingwa hao wa kihistoria, watahitaji kuondoka na alama zote tatu ili kuwapiku wana rambaramba hao katika nafasi ya pili