Baada ya kukosa nafasi mbele ya Metacha Mnata, mlinga lango Mkenya Farouk Shikhalo amesema ataendelea kupambana na kufuata maelekezo anayopewa na walimu wake kwani anaamini wakati wake utafika
Tangu ligi iliporejea Juni 13, Metacha amecheza dakika zote 180 sawa na mechi tatu ambazo Yanga imecheza
Katika michezo hiyo Metacha ameonyesha ubora wake, akipewa sifa zaidi kwenye mchezo dhidi ya Azam ambao ulimalizika kwa suluhu ya bila kufungana
Shikhalo amesema anaheshimu maamuzi ya walimu kwa kumuanzisha Metacha lakini pia kwake ni changamoto ya kujiimarisha zaidi
"Kila mchezo una falsafa yake na mwalimu anajua ni nani anastahili kuanza kwenye mechi husika, kukaa kwangu benchi haina maana kwamba siwezi hapana ni maamuzi ya mwalimu na kwa hali hiyo inanifanya nizidi kupambana ili kuwa bora," alisema Shikhalo
Mlinda lango huyo bora wa ligi kuu ya Kenya msimu uliopita, huenda akaanza kwenye mchezo wa ligi kuu kesho dhidi ya Namungo Fc
