Mkurugenzi wa Uwekezaji GSM Mhandisi Hersi Said amepigilia msumari katika taarifa ya Yanga waliyotoa kuhusu mchezaji Bernard Morrison kuongeza mkataba wa miaka miwili kuwatumikia mabingwa hao wa kihistoria
Mhandisi Hersi ameeleza kushangazwa na kauli zilizotolewa na mchezaji huyo kwa kuwa yeye kama Mwakilishi wa GSM, alishiriki katika mchakato mzima wa kumuongeza mkataba
"Majadiliano ya mkataba mpya yalifanyika mbele ya macho yangu, GSM tukihusika kila hatua na baadae akasaini mkataba mpya mbele ya Mwanasheria wa klabu ya Yanga. Nenda kaangalie TFF au FIFA katika mfumo wa usajili utakuta Morrison ni mchezaji wa Yanga mpaka mwaka 2022," alisema Hersi katika mahojiano na Wasafi FM
"Tulipata taarifa za Morisson kuanza kusumbuliwa na baadhi ya watu huku wakimuahidi kumpa pesa zaidi ya sisi tulizosainiana kwenye mkataba mpya ambao unaisha 2022 na kuna kipindi alikuja pia akaomba avunje mkataba ili aendoke kwa maana amepata timu nje ila mimi kama mimi ninachoweza kusema ni kwamba Bernad Morisson ni mali ya Yanga"
"Nilipata nafasi ya kuongea na kocha kuhusu usumbufu anaofanya mchezaji huyu na akaniambia kuwa uwezekano wa kuleta winga mkali zaidi yake upo ila kama tutamuuza kwa maana sàsa bado ana mkataba hadi 2022," aliongeza
Inaelezwa Morrison ana kawaida ya kuwa msumbufu katika vilabu alivopita na hata Yanga ilimsajili akitokea nyumbani baada ya kuvunja mkataba na klabu ya DC Motema Pembe ya DR Congo
