Kocha Mkuu wa Yanga Luc Eymael amesema hana tatizo na winga Bernard Morrison ambaye leo alishiriki kikamilifu mazoezi ya mabingwa hao wa kihistoria
Hata hivyo Eymael amesema hatamjumuisha Morrison katika safari ya mkoani Mara kuikabili Biashara United Jumapili
Lakini amewahakikishia Wanajangwani kuwa Morrison atakuwa tayari kuwakabili Simba Julai 12
"Nimeongea na Morrison kwa muda mrefu sana leo, kwa upande wangu nimemalizana naye na sina kinyongo naye ila hatokuwa sehemu ya kikosi kitakachocheza dhidi ya Biashara United"
"Endapo nikamhitaji mchezo mwingine unaofuata dhidi Kagera Sugar basi ntautaarifu uongozi ndo watamleta. Kijana katuahidi mengi sana makubwa na kikubwa yupo hapa kuisaidia klabu yake na atalithibitisha hilo siku ya mchezo wa nusu fainali dhidi ya Simba, Mengine nawaachia uongozi wao ndo watatolea maelezo," alisema Eymael
Kwa upande wa Morrison amesema yeye ni mchezaji halali wa Yanga, yuko hapa kwa ajili ya kuisaidia timu hiyo
" Mimi ni mchezaji wa Yanga , Nina mkataba na Yanga labda wao ndo wanifukuze . Mengine ni changamoto tu za kazi naamini tutafikia suluhu nipo hapa kufanya kazi ", amesema
