Kocha Mkuu wa Yanga Luc Eymael amesema kiungo Haruna Niyonzima hatakuwa sehemu ya kikosi chake ambacho kesho Jumatano kitashuka kwenye uwanja wa Kaitaba kuumana na Kagera Sugar
Hata hivyo Eymael amesema kiungo huyo fundi atarejea kikosini kwenye mchezo dhidi ya Simba ambao utapigwa Jumapili, Julai 12 2020
Akizungumza na Wanahabari katika mazoezi jioni ya leo, Eymael alisema wanatarajia upinzani mkali kutoka kwa Kagera Sugar, akiwasifu vijana wa Meckie Mexime kuwa wanacheza soka la kitabuni
"Tuko tayari kwa mchezo, tumefanya maandalizi mazuri, mashabiki watafurahia burudani nzuri kwani tunacheza na moja ya timu bora zinazocheza soka safi," amesema
"Niyonzima hatuko nae hapa mazoezini ndio maana hamkumuona, hatakuwepo kesho lakini tutakuwa nae kwenye mchezo dhidi ya Simba," aliongeza Eymael
Winga Bernard Morrison leo alishiriki mazoezi hayo akitarajiwa kuiongoza safu ya ushambuliaji kwenye mchezo wa kesho
