Mkurugenzi wa Uwekezaji GSM Mhandisi Hersi Said amesema maandalizi ya mchezo dhidi ya Simba yamekamilika na wana kila sababu ya kushinda mchezo huo ili kutinga fainali
Hersi yuko na kikosi cha Yanga huko Bukoba akisimamia masuala muhimu kuelekea mchezo huo unaosubiriwa kwa hamu na mashabiki wa soka nchini
Amesema kombe la FA ndio nafasi pekee kwao kuweza kushiriki michuano ya Kimataifa msimu ujao. Lakini pia, amesema GSM kama moja ya wadhamini hawako tayari kuona Yanga inakwenda msimu wa tatu bila kushinda taji lolote
"Ni aibu kwa timu kubwa kama Yanga katika ukanda huu wa Afrika kushindwa kuchukua kombe, hivyo kama wadhamini tumepanga kufuta aibu hiyo kwa kuhakikisha tunafanya kila liwezekano lililokuwepo ndani ya uwezo wetu ili tuchukue ubingwa huu"
"Tumeandaa kambi nzuri na bonasi za wachezaji kuelekea mchezo ujao wa nusu fainali dhidi ya Simba, lengo ni kuwaongezea morali wachezaji ya kupambana ili malengo yetu ya kuchukua kombe hilo yatimie"
Kama ilivyokuwa mchezo wa March 08, wachezaji wa Yanga 'watasepa' na Mamilioni kama wataifunga Simba na kutinga fainali ya michuano ya kombe la FA ambayo bingwa wake atakwenda kupatikana mkoani Rukwa
Katika mchezo uliopita dhidi ya Simba, GSM walitoa bonus ya Tsh Milioni 200, inaelezwa fedha walizoahidiwa wachezaji kama watashinda Jumapili ni zaidi ya kitita hicho
