Baada ya kipigo cha mabao 4-1 kutoka kwa watani zao Simba hapo jana, kikosi cha Yanga kimerudi kujipanga kuelekea mchezo wa ligi kuu dhidi ya Singida United ambao utapigwa keshokutwa Jumatano katika uwanja wa Taifa
Kocha Mkuu wa Yanga Luc Eymael amesema wamesahau matokeo ya mchezo wa jana na sasa wanajipanga kuikabili Singida United
Yanga imebaki na vita moja tu ya kuwania nafasi ya pili baada ya kipigo cha Simba kuwaondoa kwenye michuano ya kombe la FA
Mabingwa hao wa kihistoria wanakabiliwa na ushindani mkali kutoka kwa Azam Fc na Namungo ambazo pia zinawania nafasi hiyo
Wanakutana na Singida United ambayo tayari imejihakikishia kuteremka daraja
Pengine huu ndio mchezo ambao Yanga wanaweza kuutumia kurudisha kujiamini kwa wachezaji wake
Hata hivyo wachezaji wanapaswa kusahau matokeo ya mchezo wa jana waweze kufanya vizuri kwenye mchezo huo
