Mshambuliaji Benard Morrison anauzwa, timu inayomuhitaji imetakiwa kuwasiliana na Yanga, imeelezwa
Wadhamini wa klabu ya Yanga GSM ambao ndio waliofanikisha usajili wake, wameridhia nyota huyo kuwekwa sokoni huku wakisisitiza hajawahi kutokea mchezaji mkubwa kuliko Yanga
"Yanga tunasimamia misingi, kama kuna timu inamtaka Bernard Morrison ije mezani kuongea na sisi, tupo tayari kumuuza kwani hakuna mchezaji mkubwa kuliko klabu," amesema Eng Hersi
Mwenyewe akomaa, adai hana mkataba
Wakati Yanga ikitangaza kumuweka sokoni, Morrison mwenyewe amedai kuwa anamaliza mkataba wake na Yanga leo, hivyo kuanzia kesho atakuwa mchezaji huru!
Yanga ilishatoa ufafanuzi kuhusu madai ya mchezaji huyo na hata kwenye kesi yake aliyokuwa amewasilisha TFF alishindwa
