Mawinga Mrisho Ngasa na Erick wamekuwa wakifanya vizuri katika mechi wanazopewa nafasi ya kucheza lakini inashangaza hawana nafasi ya kudumu kwenye kikosi cha kwanza
Jana Ngasa alikuwa chachu ya ushindi dhidi ya Singida United, akitoa pasi moja ya bao huku akifunga bao pia
Ngasa amekuwa na mwendelezo mzuri kila anapopewa nafasi, lakini ni kama haaminiwi na kocha Luc Eymael
Mzambia Kabamba alisajiliwa na Yanga mwezi Januari usajili wa dirisha dogo, lakini kama kumbukumbu ziko sawa, hakucheza zaidi ya michezo mitano
Cha kushangaza, Kabamba amekuwa akionyesha uwezo mzuri katika mechi anazopewa nafasi
Ni wazi kama angecheza mara kwa mara pengine angeweza kuwa msaada mkubwa kwa Yanga kuliko hata kina Bernard Morrison ambao waliaminiwa kiasi kujiona ni wakubwa kuliko Yanga
Mchezaji mwingine aliyekalia sana 'ubao', ni beki Paulo Godfrey 'Boxer' ambaye msimu uliopita alikuwa miongoni mwa wachezaji bora wa Yanga
Tangu kuondoka kwa Mwinyi Zahera, Boxer alishindwa kupenya kwenye kikosi cha Eymael hata baada ya kupona majeraha yaliyomuweka nje kwa zaidi ya wiki 12
Pengine ni wakati kwa benchi la ufundi kuwatumia wachezaji hao mara kwa mara katika mechi zilizobaki kwani wanaweza hata kustahili kuwemo kwenye kikosi cha Yanga cha msimu ujao
