Mauya ametua, kazi kwake Tshishimbi

Yanga leo imetangaza usajili wake wa kwanza wakimtambulisha kiungo mkabaji Zawadi Mauya aliyetua kutoka klabu ya Kagera Sugar

Mauya amemwaga wino wa miaka miwili, kukipiga na mabingwa hao wa kihistoria

Usajili wake unamuweka mtegoni nahodha Papy Tshishimbi ambaye anasuasua kusaini mkataba mpya

Tshishimbi amekuwa kwenye mvutano na Yanga tangu mwezi Machi akitaka aongezewe dau la usajili

Hata hivyo uongozi wa Yanga uliweka msimamo wakimtaka asaini mkataba kwa dau lilipo mezani, jana akipewa siku 14 kuamua

Inaelezwa Tshishimbi ameondoka leo kuelekea mapumziko DR Congo akiacha ujumbe kwa viongozi wa Yanga kuwa kama watamuhitaji atasaini mkataba mpya lakini kama itakuwa tofauti basi hatarejea nchini