Kaimu Katibu Mkuu wa Yanga Simon Patrick amesema katika hatua ya kwanza ya mchakato wa Mabadiliko ya mfumo wa uendeshaji, wamedhamiria kufanya mambo makubwa matatu
Mambo hayo pia yliwahi kuzungumzwa na Mkurugenzi wa Uwekezaji GSM Mhandisi Hersi Said ambayo yanajumuisha Mfumo sahihi wa uongozi, benchi bora la ufundi na wachezaji wa kiwango cha juu
Kupitia ukurasa wake wa mtandao wa kijamii, Simon ameandika haya;
Katika mabadiliko ya kweli tunayoyataka wana Yanga, kama tulivyosema hapo awali, tutaanza na mambo makuu matatu;
Proper Management: Kwenye phase ya kwanza ya mabadiliko ya kimfumo, Klabu yetu itapendekeza kwa wanachama mfumo wa kisasa wa Uongozi kwenye vilabu (Modern Organizational Structure) na kuruhusu uwekezaji huku Klabu ikibaki ni mali ya wanachama kwa asilimia zaidi ya hamsini.
Katika mfumo huu, muwekezaji atanunua hisa kwanza ndipo atapata uhalali wa kuwa mwanahisa “shareholder” na sio kwa ahadi
Proper Technical Department: Tutatengeneza bench la ufundi lililo bora kuweza kuzisaidia timu zetu nje na ndani ya uwanja kwa weredi mkubwa sana na wa kisasa
Top Class Players: Tutajenga timu yenye ushindani mkubwa sana na nidhamu ya hali ya juu, na usajili utafanywa kwa weredi mkubwa sana bila ujanja ujanja, mihemko huku tukizingatia kanuni za usajili.
Utekelezaji wa haya yote ndio kiashiria halisi cha mabadiliko “Transformation”.
Wananchi wenzangu naomba mnielewe ninavyowaambia msikubali kuyumbishwa, kuna watu hawafurahii mabadiliko haya, yanawaogopesha sana watu ndio maana wanajaribu kutuvuruga lakini hawataweza.
Klabu ya Yanga inaenda kuweka historia ya kuwa Klabu ya KWANZA kufanya real transformation Tanzania katika vile vilabu vinavyomilikiwa na wananchi, hili ni la kujivunia, na tulilinde kwa nguvu zetu zote
