Uongozi wa klabu ya Azam Fc unatajwa kuwa kikwazo kwa nyota Salum Abubakar 'Sureboy' kujiunga na klabu ya Yanga
Taarifa zilizopatikana mapema leo, zimebainisha kuwa Sureboy amewaandikia barua viongozi wa Azam Fc akiwaomba wasikilize ofa iliyotolewa na Yanga ili aweze kujiunga na timu hiyo
Yanga imeshapeleka ofa mbili kwa Azam Fc wakitaka kumsajili kiungo huyo fundi aliyebakisha mwaka mmoja na wauza ice-cream hao
Inaelezwa ofa ya kwanza ya Tsh Milioni 20 ilikataliwa , Wakapeleka ofa nyingine ya Tsh Milioni 35 ikakataliwa pia, wao Azam wakitaka Tsh Milioni 70 waweze kumuachia kiungo huyo
Jana uongozi wa Azam Fc ulitangaza kumuondoa sokoni Sureboy wakimjumuisha kwenye kikosi chao kinachojiandaa na ligi kuu inayoanza Septemba 06
Ni wazi hata wakimlazimisha, Sureboy hatacheza kwa furaha kwani tayari mawazo yake yapo Yanga
Ni vyema Azam Fc na Yanga wakakutana mezani kujadiliana kwa kina ili kuweza kufanikisha ndoto ya Sureboy kuweza kuichezea Yanga
