Kikosi cha Yanga kinashuka leo kwenye dimba la Azam Complex, Chamazi kucheza mchezo wa ligi kuu ya Vodacom mzunguuko wa 11 dhidi ya Prisons.
Yanga inaingia kwenye mchezo huo ikiwa na 'afya ya kimchezo' kufuatia ushindi wake wa maao 5-0 dhidi ya Mbeya City wiki iliyopita.
Ari ya wachezaji wa kikosi cha Yanga iko juu na kuna shauku kubwa ya kuibuka na ushindi mnono kwenye mchezo huo ili kukwea kileleni mwa msimamo wa ligi kuu ya Vodacom kwani ushindi utaifanya Yanga ifikishe alama 23 hivyo kuzipiku Simba na Azam FC zenye alama 22 kila moja.
Simba itashuka dimbani kesho kuchuana na Lipuli wakati Azam FC itakuwa na kibarua kigumu keshokutwa Jumatatu itakapokabiliana na Mtibwa Sugar.
Kurejea kwa Amissi Tambwe kikosini kutaongeza hamasa ya mchezo huo. Kwa siku za karibuni Yanga imekuwa ikitengeneza nafasi nyingi za kufunga lakini ikitumia chache.
Akipewa nafasi, Tambwe anasifika kwa kutofanya makosa katika kutumbukiza mpira wavuni.
Mwenyewe amesisitiza leo anataka kuanza rasmi mbio za kutwaa kiatu cha dhahabu.
Walinzi wa Prisons watakuwa na kazi ya ziada ya kupambana na kasi ya mashambulizi ya kushitukiza na yasiyotabirika kutoka kila pembe ya uwanja.
Licha ya kukosekana viungo Thabani Kamusoko na Papi Tshishimbi kutokana na majeruhi, bado kikosi cha Yanga ni imara sana na kinaweza kuwaduwaza Prisons mapema tu kama ilivyokuwa kwa ndugu zao Mbeya City.
Kinara wa mabao katika kikosi cha Yanga Obrey Chirwa anahitaji mabao mawili tu kumfikia Emanuel Okwi, bila shaka kwenye mchezo huo atayasaka mabao hayo ili 'kuwanyamazisha' mashabiki wa Simba.
Ibrahim Ajib mwenye mabao matano hajafunga katika michezo mitatu iliyopita. Naye atakuwa moto wa kuotea mbali kuhakikisha anafunga ili amalize ukame wa mabao.
Hata hivyo safu ya ulinzi ya Yanga inapaswa kumchunga Mohammed Rashidi kinara wa upachikaji mabao wa Prisons.
Rashidi ana mabao sita kama ilivyo kwa Chirwa. Amekuwa akihusishwa kutaka kusajiliwa na Yanga kipindi hiki cha dirisha dogo la usajili.
Bila shaka atataka autumie mchezo huo 'kuishawishi' Kamati ya usajili ya Yanga impe mkataba bila kuchelewa.
Yanga inaingia kwenye mchezo huo ikiwa na 'afya ya kimchezo' kufuatia ushindi wake wa maao 5-0 dhidi ya Mbeya City wiki iliyopita.
Ari ya wachezaji wa kikosi cha Yanga iko juu na kuna shauku kubwa ya kuibuka na ushindi mnono kwenye mchezo huo ili kukwea kileleni mwa msimamo wa ligi kuu ya Vodacom kwani ushindi utaifanya Yanga ifikishe alama 23 hivyo kuzipiku Simba na Azam FC zenye alama 22 kila moja.
Simba itashuka dimbani kesho kuchuana na Lipuli wakati Azam FC itakuwa na kibarua kigumu keshokutwa Jumatatu itakapokabiliana na Mtibwa Sugar.
Kurejea kwa Amissi Tambwe kikosini kutaongeza hamasa ya mchezo huo. Kwa siku za karibuni Yanga imekuwa ikitengeneza nafasi nyingi za kufunga lakini ikitumia chache.
Akipewa nafasi, Tambwe anasifika kwa kutofanya makosa katika kutumbukiza mpira wavuni.
Mwenyewe amesisitiza leo anataka kuanza rasmi mbio za kutwaa kiatu cha dhahabu.
Walinzi wa Prisons watakuwa na kazi ya ziada ya kupambana na kasi ya mashambulizi ya kushitukiza na yasiyotabirika kutoka kila pembe ya uwanja.
Licha ya kukosekana viungo Thabani Kamusoko na Papi Tshishimbi kutokana na majeruhi, bado kikosi cha Yanga ni imara sana na kinaweza kuwaduwaza Prisons mapema tu kama ilivyokuwa kwa ndugu zao Mbeya City.
Kinara wa mabao katika kikosi cha Yanga Obrey Chirwa anahitaji mabao mawili tu kumfikia Emanuel Okwi, bila shaka kwenye mchezo huo atayasaka mabao hayo ili 'kuwanyamazisha' mashabiki wa Simba.
Ibrahim Ajib mwenye mabao matano hajafunga katika michezo mitatu iliyopita. Naye atakuwa moto wa kuotea mbali kuhakikisha anafunga ili amalize ukame wa mabao.
Hata hivyo safu ya ulinzi ya Yanga inapaswa kumchunga Mohammed Rashidi kinara wa upachikaji mabao wa Prisons.
Rashidi ana mabao sita kama ilivyo kwa Chirwa. Amekuwa akihusishwa kutaka kusajiliwa na Yanga kipindi hiki cha dirisha dogo la usajili.
Bila shaka atataka autumie mchezo huo 'kuishawishi' Kamati ya usajili ya Yanga impe mkataba bila kuchelewa.
ADVERTISE HERE
