Kikosi cha Yanga jioni ya leo kitashuka kwenye uwanja wa Jamhuri kuikabili Mtibwa Sugar katika mchezo wa ligi kuu ya Vodacom
Yanga iko mkoani Morogoro tangu juzi ikijiandaa na mchezo huo unaosubiriwa kwa hamu na mashabiki wa soka nchini
Hesabu kali za mabingwa hao wa kihistoria ni kuhakikisha wanaondoka na alama zote tatu pamoja na kuwa haitakuwa kazi rahisi
Afisa Habari wa Yanga Hassan Bumbuli amesema vijana wako tayari kwa mtanange huo ambao utashuhudiwa na viongozi wote waandamizi wa Yanga wakiongozwa na Mwenyekiti Dk Mshindo Msolla
Viongozi wa Kamati ya Utendaji Yanga wako mkoani Morogoro kudhuhuria kikao cha Sekretarieti ambayo kilitarajiwa kufanyika jana
Wanayanga wamesafiri kutoka jijini Dar es salaam na mikoa ya jirani kuongeza hamasa hivyo uwanja leo utafurika Wananchi
Ni saa kumi jioni pale uwanja wa Jamhuri
