Waziri Mkuu mgeni rasmi Stars vs Burundi

Timu ya Taifa ya Tanzania 'Taifa Stars' kesho Jumapili itashuka kunako uwanja wa Benjamin Mkapa kuumana na Burundi katika mchezo wa kirafiki ambao uko kwenye kalenda ya FIFA

Taarifa iliyotolewa na Wizara ya Habari, Utamaduni, Sanaa na Michezo imebainisha kuwa Waziri Mkuu wa Jamhuri ya Muungano wa Tanzania Mh Kassim Majaliwa anatarajiwa kuwa mgeni rasmi wa mchezo huo utakaopigwa kuanzia saa kumi Alasiri

Huu utakuwa mchezo wa kwanza kwa Stars kushuka dimbani tangu ilipotokea changamoto ya corona mwezi mwanzoni mwa mwezi March

Ni mchezo wa kujipima nguvu kuelekea mchezo wa kusaka tiketi ya fainali za michuano ya AFCON 2021 dhidi ya Tunisia ambao utapigwa Novemba 13 kule Tunisia