Kikosi cha Yanga leo kiko Mjini Musoma kuendelea na msako wa alama tatu saa kumi Alasiri wakitarajiwa kushuka uwanja wa Karume kuikabili Biashara United
Huu ni mchezo muhimu kwa Yanga kwani matokeo ya ushindi mnono yanaweza kuwashuhudia wakipanda kileleni mwa msimamo wa ligi
Azam Fc inayoongoza ligi ikiwa na alama 22, jana ilishikwa shati na JKT Tanzania kwa kulazimishwa matokeo ya sare ya bao 1-1
Azam Fc imecheza mechi mbili zaidi ya Yanga
Kikosi cha Cedric Kaze kiliweka kambi mkoani Mwanza tangu walipopata ushindi wa mabao 2-1 dhidi ya KMC wiki iliyopita
Yanga leo itashuka uwanjani bila ya nyota wake Carlinhos na Haruna Niyonzima ambao wote ni majeruhi
Mpaka sasa Yanga ndio timu pekee ambayo haijapoteza mchezo msimu huu, imeshinda mechi sita mfululizo na sare moja
Hii ni nafasi nyingine kwa mabingwa hao wa kihistoria kuendeleza umwamba wao msimu huu
