Kocha Mkuu wa Yanga Cedric Kaze leo atawaongoza vijana wake katika mchezo wa ligi kuu dhidi ya Biashara United ambao utapigwa uwanja wa Karume, Musoma
Huu utakuwa mchezo wa tatu kwa Kaze akiwa ameshinda mechi zote mbili za kwanza tangu akabidhiwe majukumu ya kuinoa Yanga mapema mwezi huu
Lakini pia huu utakuwa mchezo wa tatu kwa Yanga kucheza katika uwanja wa Karume dhidi ya Biashara United
Matokeo ya michezo miwili iliyopita hayakuwa mazuri, Yanga ilipoteza mchezo mmoja na kulazimishwa suluhu ya bila kufungana katika mchezo mwingine
Sio tu Kaze na vijana wake wanasaka ushindi wa kwanza dhidi ya Biashara United hapo Karume, lakini pia Yanga haijafunga bao lolote katika uwanja huo
Hivyo leo Wananchi wamepania kuandika historia kwa kuondoka na ushindi mnonon
Akizungumza baada ya mazoezi yaliyofanyika jana jioni katika uwanja huo, Kaze alisema vijana wake wako tayari kuelekea mchezo wa leo
Kaze alithibitisha kuwa Yanga itamkosa kiungo wake Mnyarwanda Haruna Niyonzima ambaye ni mgonjwa
