Shoo ya Ntibazonkiza inaendelea Burundi

Wanayanga wana kila sababu ya kuwa na furaha pale wanaposikia mchezaji wao mpya Saido Ntibazonkiza 'akikiwasha' kwelikweli akiwa na timu ya Taifa ya Burundi

Ntibazonkiza leo ameibeba Burundi wakati ikipata ushindi wa mabao 3-1 dhidi ya Mauritania, mwamba huyo akiweka kambani mabao mawili

Ni Ntibazonkiza aliyefunga bao pekee la Burundi kwenye mchezo wa kwanza dhidi ya Mauritania uliomalizika kwa matokeo ya sare ya bao 1-1

Ntibazonkiza amefunga mabao manne katika mechi tatu zilizopita akiwa na kikosi cha Burundi. Alianza shoo yake kwenye mchezo wa kirafiki dhidi ya Taifa Stars akifunga bao pekee la ushindi uwanja wa Benjamin Mkapa

Baada ya mchezo wa leo, Ntibazonkiza anatarajiwa kutua nchini kuanza rasmi majukumu yake katika klabu ya Yanga