Keshokutwa Jumatano, kikosi cha Yanga kitashuka dimba la Azam Complex Chamazi kuikabili Azam Fc katika mchezo wa ligi kuu ya Vodacom
Huu ni mchezo muhimu kwa kila upande, mshindi wa mchezo huu atajihakikishia kusimama kileleni mwa msimamo wa ligi
Timu zote zimejikusanyia alama 25, Azam Fc iko kileleni kwa tofauti ya mabao tu
Miaka ya karibuni, Azam Fc imejijengea upinzani na Yanga kukiwa na ile dhana kuwa wao ni ndugu mmoja na Simba
Hilo huthibitishwa na ushindani wa mechi zinazozikutanisha timu hizo. Mara nyingi Azam Fc ikicheza na Yanga hucheza tofauti sana ukilinganisha na inapokutana na Simba
Takwimu zinaonyesha Azam Fc na Yanga zimekuwa na upinzani wa karibu sana
Kila moja imeshinda michezo nane, zimetoka sare michezo nane Yanga ikifunga jumla ya magoli 30 na Azam Fc ikifunga magoli 31
Msimu uliopita Azam Fc iliondoka na alama nne dhidi ya Yanga, ikishinda mchezo wa duru ya kwanza na ule wa duru ya pili ukimalizika kwa suluhu ya bila kufungana
Jumatano wanakutana katika mchezo ambao kila mmoja atakuwa na hesabu za kusaka ushindi
Kocha Cedric Kaze amekosa ushindi katika michezo mitatu iliyopita, huu sio mchezo ambao atakubali kuishuhudia timu yako ikipoteza na pengine hata kulazimishwa sare
Azam Fc wameamua kuupeleka mchezo huo katika uwanja wao, lakini mara nyingi Yanga imefanya vizuri kila ilipokutana na Azam Fc pale Chamazi
Mchezo wa mwisho timu hizo kucheza Chamazi, Azam Fc walichapwa mabao 2-1. Mabao ya Obrey Chirwa na Gadiel Michael
