Kibwana apata matibabu ya mkono

Uongozi wa klabu ya Yanga umethibitisha kuwa beki wake wa pembeni upande wa kulia Kibwana Shomari amepatiwa matibabu ya maumivu ya mkono aliyopata kwenye mchezo wa ligi kuu dhidi ya Azam Fc hapo jana

Katika mchezo huo uliopigwa uwanja wa Azam Complex, Chamazi, Yanga iliondoka na ushindi wa bao 1-0 na hivyo kujikita kileleni mwa msimamo wa ligi

Kibwana alikuwa katika kiwango bora kabla ya kupata maumivu hayo baada ya kufanyiwa madhambi na kiungo mshambuliaji wa Azam Fc Richard Jordi

Ilikuwa mwanzoni kabisa mwa kipindi cha pili ambapo nafasi yake ilichukuliwa na Said Juma Makapu

Kibwana anatarajiwa kukosa mchezo ujao wa ligi kuu dhidi ya JKT Tanzania ambao utapigwa keshokutwa Jumamosi uwanja wa Benjamin Mkapa