Faini nyingine kwa Yanga

Kupitia taarifa iliyotolewa mapema leo na Kamati ya Uendeshaji wa usimamizi wa ligi ya Bodi ya Ligi Kuu, imetoa adhabu kutokana na matukio mbalimbali yaliyotokea katika mechi zilizopita

Klabu ya Yanga imekumbana na jumla ya faini ya Tsh Milioni Moja kutokana na makosa yaliyojitokeza katika mchezo dhidi ya Azam Fc

Yanga imetozwa faini ya Tsh Laki Tano kutokana na makosa ya mashabiki wake kurusha chupa za maji kwa mwamuzi msaidizi namba mbili

Vinara hao wa igi pia wametozwa faini ya Tsh Laki Tano kwa kosa la mashabiki wake kuingia kwenye eneo la kuchezea baada ya mchezo dhidi ya Azam Fc kumalizika