Jioni ya leo kikosi cha Yanga kitashuka kunako dimba la Sokoine kuikabili Mbeya City katika mchezo wa ligi kuu ya Vodacom
Kocha Mkuu wa Yanga Cedric Kaze amethibitisha kuwa katika mchezo huo atawakosa wachezaji wake wawili Saido Ntibazonkiza na Yacouba Songne
Ntibazonkiza alibaki jijini Dar es salaam akiendelea kupona majeraha yanayomsumbua wakati Yacouba yuko na timu Mbeya lakini bado hajawa timamu kwa silimia 100
Ni mchezo ambao mshambuliaji mpya Fiston Abdul Razak atakuwa na nafasi ya kuanza katika mchezo wake wa kwanza kwenye ligi
Huu utakuwa mchezo ambao Fiston anaweza kuutumia kuwanyamazisha wakosoaji wake wanaosubiri kuona hafanikiwa katika ligi ya Tanzania
Pamoja na Fiston, washambuliaji Ditram Nchimbi, Waziri Junior na Michael Sarpong nao wako tayari kuwa na mchango wao katika mchezo huo
Nchimbi alikuwa mshambuliaji tegemeo kwenye kikosi cha Tanzania kilichoshiriki michuano ya CHAN iliyomalizika wiki iliyopita nchini Cameroon
Yeye pamoja na Farid Mussa walikuwa na mashindano mazuri. Bila shaka Kaze anaweza kuwaamini leo na kuwaanzisha katika kikosi chake
Safu ya ulinzi leo inatarajiwa kuwa kamili kwani Metacha, Kibwana, Yassin, Lamine na Mwamnyeto wote wako timamu wakisubiri kupute hicho
Carlinhos anatarajiwa kupewa majukumu yaliyokuwa yakifanywa na Ntibazonkiza wakati TK Master yeye yuko tayari kupima umri sahihi wa walinzi wa Mbeya City
'Mwaisa' Deus Kaseke ambaye ana msimu bora ndani ya kikosi cha Yanga, pia anaweza kuwa na nafasi yake katika mchezo huo
Wakati pale eneo la kiungo Mukoko Tomombe na Feisal Salum wote wapo timamu kuendeleza pale walipoishia kabla ya mapumziko ya CHAN
Hakuna wanachosubiri Wananchi zaidi ya kuishuhudia timu yao ikicheza kandanda safi litakaloambatana na ushindi
