Ligi Kuu ya Wanawake 'Serengeti Lite' inaendelea leo, mechi ya dabi ya kidada ikitarajiwa kupigwa katika uwanja wa Uhuru
Ni mchezo kati ya vinara wa ligi hiyo Yanga Princess dhidi ya watani zao ambao ni mabingwa watetezi,Simba Queens
Mchezo huu umevuta hisia za mashabiki wa soka, haishangazi kuona Azam Tv wametangaza kuurusha 'mbashara' kupitia Azam Sport 2
Yanga Princess wanaongoza ligi wakiwa wamejikusanyia alama 38 wakifuatiwa na Simba Queens wenye alama 36
Kinadada hao kutoka Jangwani wanahitaji ushindi ili kujiweka katika nafasi nzuri ya kutwaa ubingwa wao wa kwanza wa ligi kuu ya Wanawake
Mchezo wa kwanza baina ya timu hizo uliopigwa Mo Simba Arena, ulimalizika kwa suluhu ya bila kufungana
Timu hizi zote hazijapoteza mchezo msimu huu, Yanga Princess wakitoka sare michezo miwili na Simba Queens wakitoka sare mitatu
Mechi hii itaamua hatma ya ubingwa kwa kinadada hawa msimu huu
Ni saa kumi Alasiri pale uwanja wa Uhuru
